ابن فـــــهره

وجيه السوم والمشرا

ياناشد اللي يفز وخطوته جسرا الدرب دربي متى مارحت وداني يامرحبابك تعال لواحة خضرا خل الصحاري ترى عمر المدى فاني يامعاند اقعد نهيل دلة صفرا في روض عشق يمره سيل ودياني مافات مات وجروحك انسها تبرا من راح خله يروح وجيزه يعاني نجمن تهاوى محله ياسع القمرا يضوي سناها سما ذبلات الاجفاني دنيا المحبه لك الله شمسها حمرا تنسل شعرها على عذبات الالحاني العن واناالعن وجيه السوم والمشرا والعن ابو عارض المجني على الجاني الناس للناس مير الناس ماتجرا كل على جال همه يلعن الثاني يوم الصبايا غدن في سوقهن نثرا هو ياوي الشاه ذيبن جالها عاني اكتب عن الحب مير الناس ماتقرا وانا من الناس لو الناس تجفاني يالاجودي هات يمنى فدوها يسرا وابشرك بالسعد ان الله احياني

دمعات الأسى

تعبت اطوي مشاوير العمر اسئلّ        كثر ماشـفت في دربي وش  الباقي  تباعدني مسافات الجواب اطولّ      وهي اقــــرب من التــوديع لعناقي يـراوالي عطا قلبي به اتجــملّ             عبث صار العطا ربطي ومسباقي غريب وعالمي ناسه بدت تذبلّ            دياري وين ماتاقـف قدم ساقي بداوة مخبِّري فيني (طبع) سولّ                تلوك,, السـّن سوالفها عن اخلاقي انا,,اتلّى هم عذالي وانا الأولّ         وانا,, من يبست ارماقه وانا الساقي خذو,أمسي وقبل امسي ولا,أتهولّ        سموح, ابني ورى الزلات مصداقي تحت (فيّ) الزمن طيبي حزن قيلّ        على جذعي,, يحاكي تيه بأعمــاقي تعب انكس ودمعات الأسى تسئل           كثر ماشفــت ياربعــي وش الباقي