شيخنا الجليل مران بن قويد حفظه الله

 

  تجسيدا لما للامير مران من محبه وتقدير وأجلال نظمت هذه الأبيات

اتمنى ان تكون الابيات في مستوى من يستحق ان تنشر بمدحهالدواوين

    

مبارك بن ناصر ال حزام

اهداء لاخي وتاج راسي مبارك بن ناصر ال حزام اليوم   لي   عاشر   وانا   اقول  باكر يكحل    عيون    الغلا   شوف   غالي يالايمي    تبطي    وانا   وانت   خابر البخ   قبل   على   شحم  لك  تقالي من   دفتري   ماحيك   وارد   وصادر يامال   فرقا   العين  مالك  ومالي ياهشم   حال  اللي  مع  العج  طاير وده   يطول   سهيل   وسهيل  عالي خلك   على   طموم   شايبك  وناظر يالله  عسى  مالك  مع  الناس والي الود    ودك   فيك   ربع   ابو   ناصر مير   البلا   في   ذي   مالك  مجالي كابر   ورث  من  كابر(ن)  ورث  كابر نسل   السعد  عريب  جد(ن)  وخالي حر(ن)..شمخ..   مطنوخ..عديم..نادر ساطي..جسور..مهيب..مر(ن)..وحالي راكد   ركود   اركد  من  اركد  عساكر وليا    هرج    تلجم    هروج   الرجالي للصامله     اليا    حدر    سيل    حادر يركي     لها     ركيا    ركي    الجبالي فرقاه    ليل    وصبح    لاصار    حاضر قدره   له   اول  ..  ولا  لشرواه  تالي اي    والله    اني    لا   نصيته   اواجر فز     يتحفا    بي    كريم    الخصالي طالبك    ياباكر    ترا    اليوم   عاشر تكفى   تجمل   ولاتجي  وانت  خالي

غلطـــة الشـ،ـــــــاطر سريت بليل يلفه برد عودي من الشقا ناشف جفوني  شاخصه  مقوىاعاين  قدمي وخلافي امس  شماغي بكفوفي اداري لفحة العاصف وسياط   الريح  تلسعني  ودقله  تنزع  اكتافي وزادت   طينتي   بله   مزونن  رعدها  قاصف وبراق   ينوش   الخد   بحد   من   السما  لافي اخيل  الرجم لى منه شعق في ناظري خاطف والا  عسيت  لي  معبر  يفت  السيل مجدافي نخيت الفكر يفزع لي وسفهني بحيرتي واقف بلا    حول    ولاقوه   تخض   الرعشه   اطرافي عباير    تلهج    بجاشي   يباريها   ندم   جارف على  اللي  تحتري  مني  اكون  لوعدها  وافي بقايا  الوقت  ماتمدي دقايق ذبحها مشارف وخديج  الحب  مرهونه  حياته  بردها الخافي وكاد   ديارها   منحا  وانا  في  ديرتي  طارف ولكن  غلطة  العاشق  بعشره  لى بدى جافي

عشق الخفوق

اليا    متى    ياخافقي   تلبق   iiالوقت طال   المدى   تجمح  على  غير  طايل ياقو   صبرك   في  رجا  ضاق  ماضقت من  روض  عزك  وشيمتك والشمايل عقب   الشموخ   وعزة   الذات  دنقت كثرت     مثاليبك    وقمت    اتمايل ياهشم حالك وش بقى من الالم طقت هو   عاد   بك   عرق   يصالي  الهوايل ولا   على   قول   البدو   حايق   وحقت وش    لي   وليبك   والشقا   iiوالنكايل ازريت   ازم   من  الشقا  كل  ماوقت بين     الحنايا    وبين    عوج    هزايل لم  البقايا  ياخفوقي  لى  طرى  وفقت فديت    نبضاتك    تسوق    الجمايل اشتقت    لايام    الرواقه   الى   iiرقت وانت  وانا  وهمس  المساء  للخمايل

همي انا الشاعر

وبن انا بعدك وبعدي وينك انتي
 ماتهقويت المفارق لو هقيتي

 كم تحريت المنادى ...وطال صمتي
وكم رفعت الصوت ضايق وماوحيتي

 جايز اني جيت مع درب عبرتي
اسحب الخطوات اثرك به مشيتي

 ادري بليل بكيته به سهرتي
وادري بليل سهرته به بكيتي

 نوب اسامر بسمتي اليا ابتسمتي
ونوب احس بحزن جارف لى شكيتي

 كنت انشد عن عيونك يو م كنتي
عن عيوني تنشدين ولا اهتنيتي

 كنت ضايع يابعد من هو ملكتي
كنت تايه يابخت من هو خذيتي

 بين جمع الناس في الزحمه ظهرتي
وقلت احبك احسب انك بي دريتي

 خفت من لحظه ندمنا لو لمحتي
وش بقالي من ملامح من سريتي

 خابرك شيخة صبايا وانتي انتي
في خفوقي بين رحتي وبين جيتي

قصيدة الحلم

ياصاحبي  شاب  القلم  وماش  قرطاس خذها   من   الجوال   وقل  للمسج  تم خل  الحلوم  علوم  يامعرب  الساس بالك   تنوم   عزوم  نفسك  وتندم اقحص   من   الغفوة  وقم  قند  الراس فنجال   صحوه  خير  من  كاس  مندم صبح    الحياه   احساس   مثلابه   نعاس وغبشه   صباح   الروح   للروح   بلسم لك في حياتك قسم ولك قسم في الناس اقلط  على  دنياك  وزم  العمس  زم العمر   واحد   مير  سيف  العمرباس سله    على    صكات    بقعا    وتحزم اليا  طرى  لك  شب ضوك بالاطعاس مد    النظروهد    الفكر   وافهق   الهم اياني   واياك  تحطب  ولامعك  فاس الوقت     غابه    سكته    شاكها    سم مافات  مات  وبالرجا  اقطع الياس ومن    صد    في    قلعة    قريح  يتهشم صدق  النيايا  والحيا  وطيب  الانفاس للمودمي   في   عيون   الاجواد   مغنم فصل  من  عذوب السجايا لك لباس واسرج   خيول   الجود  وازهى  وترنم كب الذهب لارحم ابوه وصافح الماس وبشر   جنابك  بالشبب  وانت  ياعم

النــــــكوفه

هاجسي ليل النكوفه اعتلا متن الخيال                  

                    في زوايا الفكر انبش عن رفاتالاسئله

علي ادري وين ذاتي هو بقى في الحالحال             

                او على الله هو بقى به نفس تقوىالبهذله

رحت في مارحت حالم لاخر دروب المحال                 

                        كل درب ابتدي به ينتهي بي اوله

شابت اوراق الاجابه تحتري حبر السؤال                  

                     والقلم قيد احتباسي في يميني كبله 

احترق والود ودي ينجلي للفال جال                     

مير مردود الاماني للحقايق مهزله           
               

انشدك يامن زهيتي دون جنسك بالدلال                     

                    ليه احبك ياعذابي واعشقك حد الوله

ليه اشيلك كل كلي جرح يابنت الحلال                     

                        اسئلك بالله ردي ليه اعيشك غربله

ليه انا باسم المحبه بين حل وارتحال                     

                    لانشدت الراح ممسي صبحتني معضله

هو حرام اني احبك او حرام انه يقال                  

عاشقك للموت شاعر نزف جرحه منهله            
              

رغم حزني وانكساري في عزاء قطع الوصال             

                    مافتى طيفك بعيني يرتسم لي اجمله
              

والله انك عندي اغلا من وطى ارض الشمال             

                 وانك اجمل من قصيدي لاجمالكاوصله

غيرك انتي وان لبس لي يالغلا ثوب الجمال            

                   احمد الله وان تمادى له قريت البسمله             

كل نور يالحبيبه عقب نورك له ظلال                     

وكل زين جعل يومي قبل يومك حنضله                  

ادري انه في دروبك ماورى حظي عدال                 

                    ولا يحرك منك ساكن واقعي قيد انمله

ديار اخــــو جــــــــــوزاء

خمسة   حروف   ونصف  قلب  iiوصبابه وحبر   وقلم   واوراق   شعر   iiومظاريف سمار    ليلــه    بــردهـا   فـــج   iiبابـه قرصا   ومحموم   العشق  ضمها  صيف ليلة    غريب    اعياه   سقم   iiاغترابه ذم   الوفاء   وسمى  المواجع  iiمواليف بين    الهجوس    و    ضيقته   iiوالرتابه ازرى    يزم    من    العزاير    iiتحاسيف في    خلوته    ركب    الروابع    iiنحابه ذي في حبى ذي وذي ورى ذي مراديف في    ناظره    كلح   االوجيه   iiاتشابه وفي   خاطره  صدق  المشاعر  تخاريف جردة      حسابه      دمعتين     iiوكأبه ورفات     هقوى    بعثرتها    iiالعواصيف وكف    حمل   وجه   الشقاء   iiوالتوابه وروح   ارتمت   باحضان  عوج  iiالمناكيف وصوت    لهد   صمت   المرايه   iiجوابه لارحم  ابو  من  طاب  نومه  على حيف ورع   ربى   في   كنف   عصر  iiالمهابه ينهل   قراح   عدود   عذب   iiالسواليف فرحه    وترحه    شايبه    لى   iiغزابه لديار   *(اخو   جوزا)   *زبون  iiالمعاريف دار    شماليها    مدى   الهضب   iiمابه ياكود   ميلات   الروابي   على   iiالكيف وعرق      جنوببها     يشادي     iiترابه مرتعشة(ن)  في  جيد  ذبح  iiالمهاديف

الجاهـــــله

كل ود جمعنا بالقصيد انتها                   

                    وكل وصل لك الله اصبح اسمه بعاد

سالفة غي لولا نقصها زدتها                   

                    مير بعض السوالف سامجه ماتعاد

جمرة الشوق هي هي مثل ماخلتها                   

                    عقب ماهي تقادح شفت كيف الرماد

خايل اللي تخيل ولو تبي حقتها                   

                    مير مانت بكفو ولانت راعي جلاد

كلمة قلتها لك مامعي اختها                   

                    ضف وجهك توكل خل بقعا رقاد

مابقى منك ذكرى ان طرى دستها                   

                    كنها حدر ساقي جاهله في حداد

خلها لي وانا اللي لى حصل شلتها                   

                    عرضتن مالعبها غيرنا في العباد

اتنكس حدر شلفاي و ازتها                   

                    شوف عين اجوديه شفها بي وكاد

الا الصلاة

الشرق

التحـــــــــــنان

الميــــــهاف

اخت القمر

اخت  القمر  وان  سولفت iiللغنادير كني   بها   حوف   الغواني  iiاميره الماسة(ن)   ومطوقه  باا  لاساوير في  مخمل (ن) جذوة سناها ينيره قمرا  عطت  ليل  الجمال iiالتباشير تسري  به  نجوم  العماهيج  iiغيره معشوقتي  غير  البنّي والبني غير وين  البني  عن  ضي  نور iiالجزيره عذروبها    وان    iiعذربوهاالمسايير في  خطوها  موق  العذارى  iiتثيره كن    الخزامى   والنفل   iiوالنواوير بين   الرموش   وثغرها   مستجيره نصف   الحلا   فيه  الصبايامخاشير وباقي الحلا هي في حلاهاخشيره الله  عليها  لى هفت نسمة عصير وذاب   النحر  بين  الجديل  iiوعبيره في    خدرهابوح    المرايا    iiتعابير تسرد   باصابع  كفها  الغي  سيره مر(ن)تصبح   ناتق   الجيد   iiبالخير ومر(ن)تمسي  غفوته  في  حريره وجدي  على  ممشوقة القد يامنير وجدي  ولكن  ماورى  الوجد  iiخيره

بنت ابوها

 

ماخبرت الشمس تشرق نصف ليل لين   ذبت   بنت   ابوها   نقابها مهرة   خالت  تغطرس  قدم  خيل جامحه    والملعبه    تزهى    بها شقت  صفوف  الصبايا شق سيل يسبق   خطاها   عبوق   اطيابها رية   العود   المشمخ  من  جزيل الغناء   في   مدح   اهلها  جابها غرب  طبت وذعذع الغربي iiعليل نسمة     لفح    الذوايب    iiذابها طرقها  اليا  اصطفق ردف وجديل شمس   حجلا  ثار  ليل  iiحجابها قدها   حليا   التمقل   به   تحيل بين  رعش  العين وغمض اهدابها لى  انثنى  مياس ممشوق iالجميل سربلت    سود    الجعود   ثيابها طولهاوان  طاولوا  طول  الاصيل زمت    متون    العذارى   iiرقابها ذا  جمال  الكون اوهي iiالمستحيل اوهو      حدودالفكرعدّى      iiبها

العـــــــــــــــــــــزوف

اعداء المدح لاهل المدح

يـاعـداة  الـمدح  شـبـو فـي شـتا عمري دفا واشـعلو  جـمـره  بـقلبن  الالم  عنده iiعوافي احـرقـونـي  ومـن  رمـادي اكـتـبو باسم iiالوفا عادة  المعشوق  يجفا  لى غدى العشاق iiوافي شـقـو  اجـنـوبـي بشعري وعذربوا كل iiماخفا الله  الله  بـالـمـشـقـا  افـضـحـوه بـكل خافي دام ذا الـدنـيـا تـردت وش عـلـى هـرج القفا لايـزود  ولايـنـقـصّ  وكـلـن عـيـوبـه تـشافي لـعـنـبـوامـن  هـو  تـردى ولـعنبوامن iiهوجفا مـن  يـبـي شوف الحقايق لايقول iiالنورطافي الـقـدم  مـنـي  تـقـدم انـطـح جـنـون iiالـحفا مـادريـت  ولاسـئـلـت دام فـي فكري iiقوافي واثـق  الـخـطـوه  ادرهـم ومـن حـكا iiقلناكفا الـعـمـا  ثـم  الـعـمـا  يـفضخ  عيون  التجافي