ديوان الشاعر فالح بن صقر

غلطـــة الشـ،ـــــــاطر

سريت بليل يلفه برد عودي من الشقا ناشف

جفوني شاخصه مقوىاعاين قدمي وخلافي

امس شماغي بكفوفي اداري لفحة العاصف

وسياط الريح تلسعني ودقله تنزع اكتافي

وزادت طينتي بله مزونن رعدها قاصف

وبراق ينوش الخد بحد من السما لافي

اخيل الرجم لى منه شعق في ناظري خاطف

والا عسيت لي معبر يفت السيل مجدافي

نخيت الفكر يفزع لي وسفهني بحيرتي واقف

بلا حول ولاقوه تخض الرعشه اطرافي

عباير تلهج بجاشي يباريها ندم جارف

على اللي تحتري مني اكون لوعدها وافي

بقايا الوقت ماتمدي دقايق ذبحها مشارف

وخديج الحب مرهونه حياته بردها الخافي

وكاد ديارها منحا وانا في ديرتي طارف

ولكن غلطة العاشق بعشره لى بدى جافي