اليا متى ياخافقي تلبق الوقت
طال المدى تجمح على غير طايل
ياقو صبرك في رجا ضاق ماضقت
من روض عزك وشيمتك والشمايل
عقب الشموخ وعزة الذات دنقت
كثرت مثاليبك وقمت اتمايل
ياهشم حالك وش بقى من الالم طقت
هو عاد بك عرق يصالي الهوايل
ولا على قول البدو حايق وحقت
وش لي وليبك والشقا والنكايل
ازريت ازم من الشقا كل ماوقت
بين الحنايا وبين عوج هزايل
لم البقايا ياخفوقي لى طرى وفقت
فديت نبضاتك تسوق الجمايل
اشتقت لايام الرواقه الى رقت
وانت وانا وهمس المساء للخمايل
|
الأربعاء، 18 سبتمبر 2013
عشق الخفوق
الاشتراك في:
تعليقات الرسالة (Atom)
ليست هناك تعليقات:
إرسال تعليق