يـاريـح ثـيـري بـصـافـي الـجـو عـجه
وعنا احجبي شمس الضحى بالعجاجه
ثـم اجـعـلـي رصـد الـعـواذل مهجه
بـغـتـات يـطـفـي كل ضاوي سراجه
مـعـه الـمـزن شـبـه الجهام الموجه
يـرقـى عـلـى مـتـن السما باعتراجه
مـتـراكـمـن لـلـشـوف ولا فـيه فجه
كـنـه الـجـبـال الـصـم عسر انفراجه
تـكـفـخ بـعـضـها ويدوي الرعد ضجه
يـرجـف لـزيـزه بـالـقـلـوب الـخماجه
تـجـفـل مـعـه رخـم الـعواذل لهجه
مـنـهـم عـديل الروح يضحك حجاجه
مــتـذيـريـن ورصـدهـم سـيـل رجـه
شـربـي زلال وشـربـهـم مـن هـماجه
انـا فـدى مـن هـو تـواسـت حـججه
بـادنـى جـبـيـنـه ولارسـمـهـا خـواجه
ابــوثـنـايـا بـيـنـهـا الـشـهـد مـجـه
هـرجـه يـسـلـي وهـرج غـيره سماجه
تــرف الـقـدم ولالـه بـالاسـواق دجـه
وفـي مـشـيـتـه لـى سار دل وغناجه
الـعـيـن عـيـن الـلـي هـدبـهـا ترجه
كـنـهـا مـن بـروق الـسحايب زجاجه
ريـمـيـتـن بـالـروض تـرعـى بـسـجه
هـدت عـنـان الشوف من دون حاجه
لـى سـلـهـمـت برموش جفنن تفجه
فـي صـدري الـخـافـق يـزيـد ارتجاجه
لابــارك الله فــي عــذولــن يـخـجـه
عن شوفتي من عقب هاك المواجه
|
الاثنين، 16 سبتمبر 2013
رصد العواذل
الاشتراك في:
تعليقات الرسالة (Atom)
ليست هناك تعليقات:
إرسال تعليق